電子門鎖無電？3 個方法幫到你！

經常都有客人問「電子門鎖無電點算？」。其實當電子門鎖快無電時，你會喺面版見到無電圖案同聽到音樂/語音，提醒你去更換新電池，只要盡快換返就可以！不過，如果真係返到屋企門口，而電子門鎖又咁啱無電，都仲有以下方法可以幫到你！

1. 後備鎖匙開門

每一把Samsung智能門鎖都配有2-5條鎖匙，原理同普通機械門鎖一樣，將鎖匙插入鎖匙孔即可解鎖入屋。順帶一提，就算電子門鎖底板壞了，都可以用機械鎖匙開門，所以要好好保管你的後備鎖匙。

如果電子門鎖無曬電，又唔記得帶後備鎖匙又點算好? 呢個時候可以用以下其中一個方法幫到你。

2. USB線配外置充電器

如果你用緊「Samsung SHP-P72/ SHP-DP609」，只要將外置充電器(尿袋)同你的Samsung電子門鎖連上就ok喇！接上電源後，再輸入密碼/ 指紋/ 拍卡/ 用手機APP解鎖就可以入屋。

3. 9V電池

如果你用緊「Samsung SHP-P72/  SHP-DP609」以外的門鎖型號，只需用一粒9V鹼性電池(無需考慮電池極性)連接電子門鎖上的緊急電源接口，即可接通電源，並如常開門入屋。

無論你用以上邊個方法開門，記住佢地只係緊急開門法，重點都係要立即換上新電池！換電池時記住唔好混合唔同牌子的電池、亦要選擇性能良好的電池牌子，避免電池漏水而影響電子門鎖的性能。

有關電子門鎖電池保養小提示，請查看：https://www.youtube.com/watch?v=419ZG39IvNk

*如有任何爭議，本公司保留最終之決定權。