電子鎖無電?3 個方法幫到你!

經常都有客人問「電子鎖無電點算?」。其實當電子鎖快無電時,你會喺面版見到無電圖案同聽到音樂/語音,提醒你去更換新電池,只要盡快換返就可以!不過,如果真係返到屋企門口,而電子鎖又咁啱無電,都仲有以下方法可以幫到你!


1. 後備鎖匙開門

每一把Samsung智能門鎖都配有2-5條鎖匙,原理同普通機械門鎖一樣,將鎖匙插入鎖匙孔即可解鎖入屋。順帶一提,就算電子鎖底板壞了,都可以用機械鎖匙開門所以要好好保管你的後備鎖匙。

電子鎖無電3個方法幫到你-1-KEY

如果電子鎖無曬電,又唔記得帶後備鎖匙又點算好? 呢個時候可以用以下其中一個方法幫到你。


2. USB線配外置充電器

如果你用緊「Samsung SHP DP609」,只要將外置充電器(尿袋)同你的Samsung電子鎖連上就ok喇!接上電源後,再輸入密碼/ 指紋/ 拍卡/ 用手機APP解鎖就可以入屋。

電子鎖無電3個方法幫到你-KEY2


3. 9V電池

如果你用緊「Samsung SHP DP609」以外的門鎖型號,只需用一粒9V鹼性電池(無需考慮電池極性)連接電子鎖上的緊急電源接口,即可接通電源,並如常開門入屋。

電子鎖無電3個方法幫到你-KEY3

無論你用以上邊個方法開門,記住佢地只係緊急開門法,重點都係要立即換上新電池!換電池時記住唔好混合唔同牌子的電池、亦要選擇性能良好的電池牌子,避免電池漏水而影響電子門鎖的性能。

2020-03-電子鎖無電3個方法幫到你-4-battery


有關電子鎖電池保養小提示,請查看:https://www.youtube.com/watch?v=419ZG39IvNk


*如有任何爭議,本公司保留最終之決定權。